Unang liham man ay nawala

Ano ba naman ang gumawa pa ng isa?

Mensahe naman ay nabasa na

Kaya’t heto na ang panibagong tula
Maaaring nakagawiang mga lakbay

Nasasalat bunga ng mga piniling buhay

Wala na ang mga biglaang pagkampay

Pagkat mga landas nati’y naghiwa-hiwalay
Di nanunumbat, ngunit yaon ang katotohanan

Ngunit pinili natin makita ang kagandahan

Di ba’t mas nagtibay naman ang pagkakaibigan?

Magkakaiba man tayo ng nilangoy ma karagatan
Nasasabik ako sa muling pagtatagpo

Asahan ang mahigpit na yakap ng bisig ko

Pangako, aayusin ko ang mga kwento

Wag lang ulit tayong tulugan ni Jam sa kwarto

Advertisements